دوایی گەڕانێكی زۆر تەرمی ئەو هاووڵاتییە دۆزرایەوە، كە چەند ڕۆژ پێش ئێستا لەكاتی بەیانیدا لە ماڵەكەی خۆیدا ڕفێنران .
بە پێی زانیارییەكان، ئێوارەی ئەمڕۆ شەممە 3ی 12ی 2022 تەرمی (ه. م.م) ، كە دوو ڕۆژ بەر لە ئێستا كاتێك خێزانەكەی لەخەوی بەیانی هەڵساون، خۆیی و هەردوو مۆبایلەكەی لەماڵەوە نەماون .
هەر بە پێی زانیارییەكان، تەرمەكەی لە گوندی گەڵوەزی لەژێر پردێك دۆزرایەوە كە فیشەكێك بە ناوچەوانیەوە بوو و كوژراوەكە باوكی 4 منداڵە و لە بنەڕەتدا خەڵكی دیبەگەی سنوری هەولێرە.
هاوكات بەهۆی كێشەی دوژمنداریەوە ماوەی ساڵێكە لە سنوری پردێ نیشتەجێیە و تا ئێستاش نەزانراوە هۆكاری كوشتنەكەی كێشەی دوژمنداریە یان هۆكارێكی دیكە و هێزە ئەمنیەكان دەستیان بە لێكۆڵینەوە و سەیر كردنی كامێراكانی چاودێری كردووە.
