لەسەر سکاڵای هاووڵاتییان، بەنزینخانەیەك لە شاری سلێمانی داخرا.
سۆران کەمال، سەرۆکی لیژنەی سوتەمەنی لە لیژنە هاوبەشەکانی قائیمقامیەت ڕایگەیاند: لەمیانی بەدواداچونەکانمان بۆ کوالێتی سووتەمەنی و دوای پشکنین، دەرکەوت بەنزینی نۆرماڵی بەنزینخانەی مامۆستایان لە ڕاپەڕین کوالێتی خراپە.
ڕوونیشیکردەوە، پەستانی هەڵمی بەنزینەکە بەرز بووە، ئەوەش کاریگەری لەسەر فیدپەمپی ئۆتۆمبێل و پیسبوونی ژینگە هەیە.
ڕاشیگەیاند، پێشتریش هاووڵاتییان سکاڵایان لەسەر بەنزینخانەکە هەبووە، هەربۆیە بەبڕیاری قائیمقامی سلێمانی داخرا تا ئەوکاتەی پابەندی رێنماییەکان دەبێت.
