ئێمە لە تۆرە کۆمەڵایەتیەکان

ژینگە

شەپۆلێكی گەرمای بەهێز هەرێمی كوردستان دەگرێتەوە

خەڵك- بەشی هەواڵ
كەشناسی هەرێم هاتنی شەپۆلێكی گەرما بۆ سەر ناوچەكە ڕادەگەیەنێت و ئاشكرای دەكات، لە سبەینێوە دەستپێدەكات و ڕۆژی چوار شەممە دەگاتە بەرزترین ئاست.

بژار كەریم، بەرپرسی بەشی پێشبینییەكان لە بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا ئاماژەی بەوەكردووە، ئەمڕۆ پلەكانی گەرما یەك پلە بەرزدەبنەوە، بەڵام لە سبەینێ‌ دوو شەممەوە شەپۆلێكی بەهێزی گەرما ڕوو لە هەرێمی كوردستان دەكات.

ڕاشیگەیاندووە، بەهۆی ئەو شەپۆلی گەرمایەوە پلەكانی گەرما چەند پلەیەك بەرزدەبنەوە و دەچنە سەرووی ڕێژەی سروشتی.

ئاماژەی بەوەشكردووە، بەرزبوونەوەی پلەكانی گەرما تا ڕۆژی پێنج شەممە بەردەوام دەبێت و لە ڕۆژی چوار شەممە دەگاتە بەرزترین ئاست و لە چەند ناوچەیەكی هەرێم دەگاتە 47 پلەی سەدی.

ئاشكراشی كردووە، كە پلەكانی گەرما لە ڕۆژی پێنج شەممەوە دەست دەكەنەوە بە دابەزین و دەگەنەوە ئاستی سروشتی و نزیكەی 41 پلەی سەدی دەبن.

ژینگە

شەپۆلێكی بارانبارین دەستپێدەكات

خەڵك- بەشی هەواڵ
دەزگای كەشناسی عیراق، راپۆرتێك لەبارەی كەشوهەوای سێ‌ رۆژی داهاتوو بڵاودەكاتەوە و تێیدا تەكید لەسەر دەستپێكردنەوەی شەپۆلێكی بارانبارین و هەورەبروسكە لە تەواوی ناوچەكانی وڵاتدا دەكاتەوە.

دەزگای كەشناسی عیراق، لە بەیاننامەیەكیدا راگەیاندووە”وڵات لە سبەینێ‌ یەك شەممە، و تا سێ‌ رۆژی داهاتوو، دەكەوێتە ژێر پاڵەپەستۆیەكی هەواوە، ئەمەش بەهۆی یەكگرتنی دوو نزمە پاڵەپەستۆ كە یەكەمیان لە دەریای ناوەڕاست و ئەوی تر لە دەریای سوریاوە هەڵدەكەن”.

هەر لە بەیاننامەكەدا هاتووە”ناوچەی باكوور، لە شەودا هەور دەبێت و باران نمە نمە دەباربێت، دواتر تەوژمەكە روو لە ناوچەكانی خۆرئاوا دەكات و تەواوی ناوچەكانی باكوور دەگرێتەوە، لە رۆژی دوو شەممەشدا ئاستی بارانبارین لە شارەكانی سلێمانی و هەڵەبجە، لەنێوان مامناوەند و تونددا دەبێت، لەگەڵ بوونی هەورە بروسكە و بەفربارین لە ناوچە شاخاوییەكان، كاریگەریی ئەو تەوژمەش لە رۆژی سێ‌ شەممەدا كەمدەبێتەوە و روو لە ناوچەكانی خۆرهەڵات دەكات و لەو ناوچانەدا بارینی باران و بەرفر لە چیاكاندا بەردەوام دەبێت”.

بەردەوام بە لە خوێندنەوە

ژینگە

كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 14 پلە و لە سلێمانی 12 پلە و لە دهۆك 13 پلەو لە كەركوكیش 16 پلە دەبێت‌و ئاسمانی سەرجەم شارەكانی هەرێمی كوردستانیش هەتاو دەبێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 16 پلە و لە سلێمانی 14 پلەو لە دهۆك 15 پلەو لە كەركوكیش 17 پلە دەبێت و لە سەرجەم شارەكانی هەرێمی كوردستانیش هەور و هەتاو دەبێت.

بەردەوام بە لە خوێندنەوە

ژینگە

كەشناسی رێژەی باران بارینی 24 كاتژمێری رابردووی لە هەرێمی كوردستان بڵاوكردەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان رێژەی باران بارینی لە 24 كاتژمێری رابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین رێژەی بارین باران لە شارۆچكەی سەرسەنگی سەر بە پارێزگای دهۆك بە بڕی 72 ملم باریوە.

بەپێی ئەو پێشبینیانەی كەشناسی لەسەر باران بارین بڵاویكردووەتەوە، ئەمڕۆ پێنج شەممە باران بارین بەردەوام بێت و سبەینێ هەینی ئاسمانی شارەكانی هەرێمی كوردستان هەور و هەتاو دەبێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین