ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هواوی،لە فرۆشتندا پێش ئەپڵ دەکەوێت

خەڵک
بەپێی ئامارە جیهانیەكانی دەزگای ئاماری نێودەوڵەتی (IDC) گروپی هواوی كەیەكێكە لەگەورە كۆمپانیاكانی دروستكردنی مۆبایل لە جیهاندا بەپێش كۆمپانیای ئەپل كەوت لە بازاری مۆبایلدا لە چارەكی دووەمی ساڵی 2018، بۆ یەكەمجاریش هواوی لەپلەی دووەمی جیهان هات لەرووی فرۆشتنی مۆبایلدا، رێژەی هواوی 15.8% بوو لەبازاڕی مۆبایلی جیهاندا بەرامبەر 12.1% بۆ ئەپڵ.

وەرگرتنی پلەی دووەم لەلایەن هواوی لە رووی فرۆشتنی مۆبایلدا هەنگاوێكی جۆریە كە توانی 54.2 ملیۆن یەكەی مۆبایل هەناردە بكات، لەگەڵ وەرگرتنی بەشی 15.8% لەبازاڕدا، هەروەها هواوی گەشەی كردووە بەرێژەی 41% و بەپێش دوو گەورە كۆمپانیا كەوت، لەگەڵ ئەوەشدا هواوی لەرووی فرۆشتنی مۆبایلدا لەناوچەی رۆژهەڵاتی ناوەراست و ئەفریقیا لەپلەی دووەم هات و بەپێش كۆمپانیای ئەپل كەوت، بەپێی راپۆرتی كۆمپانیای (GFK) بۆ مانگی ئایاری 2018، بەشی هواوی لەبازاری رۆژهەڵاتی ناوەراست و ئەفریقیا گەیشتە 21% و بەرێژەی 31.25% گەشەی كردووە بەبەراوردكردن لەگەڵ مانگی كانونی یەكەمی 2017. گەشەكردنی بەشە بازاری هواوی لە وڵاتانی ناوچەكە 20%ی تێپەراند ، وڵاتانی شام 37.4% و عومان 30% و سعودیە 27% و عیراق 25% و میسر 24% و باكستان 22.2% و ئیمارات 20%.
هواوی شانازی بەوە دەكات كە پێشەنگی داهێنانە لە بواری مۆبایلدا و ئێستا شەشەمین كۆمپانیایە لەسەر ئاستی جیهان كە پارە تەرخان دەكات بۆ بواری لێكۆلینەوە و پەرەپێدان، بۆ ئەم مەبەستەش 45 ملیار دۆلاری لە 10 ساڵی رابردوو خەرجكردووە، هەروەها لەساڵی رابردوو 12 ملیار دۆلار وەبەرهێنانی كردووە لەم بوارەدا.

هەوڵەكانی گروپی هواوی ئەنجامی باشی لێكەوتوەتەوە و هواوی چەندین خەڵاتی جیهانی بەدەست هێنا، هەروەها هواوی نەخشە رێگای قۆناغێكی نوێی داهێنانی داناوە لەرێگای بەكارهێنانی پرۆسێسەری كیرین 970 كەیەكەم پرۆسێسەر كەپاڵپشتە بەتەكنەلۆژیای زیرەكی دەستكرد ، گەورەترین دەسكەوتەكانی هواوی وەشاندنی مۆبایلی HUAWEI P20 Pro بوو كە كامیرای سیانی بەكوالیتی 40 میگاپیكسل لەخۆدەگرێت و بەتازەترین تەكنەلۆژیای زیرەكی دەستكرد كار دەكات . مۆبایلی HUAWEI P20 Pro پێشوازیەكی گەورەی لێكرا و كۆمپانیا 6 ملیۆن دانەی لەم مۆبایلە هەناردە كرد بۆ سەرتاسەری جیهان لە ماوەی چەند مانگێكدا .
هەروەها هواوی لەماوەی رابردوودا زنجیرەی Huawei nova 3 وەشاند كەتوانای كاركردنێكی بەهێزی هەیە، هەردوو مۆبایلی HUAWEI nova 3 وHUAWEI nova 3i دەبڵ كامێرای پێشەوەی هەیە بەكوالیتی 24 و 2 میگاپیكسل پاڵپشت بەتەكنەلۆژیای زیرەكی دەستكرد ، باشترین وێنەی سیلفی پێشكەش بەبەكارهێنەران دەكات لەرێگای جێبەجێكردنی تایبەتمەندیەكانی جوانی سروشتی كە باشترین و جوانترین وێنە پێشكەش دەكات.
گروپی هواوی پابەندی خۆی دووپات دەكاتەوە لە ڕووی داهێنان و خزمەتگوزاری بەكارهێنەران لەرێگای تەكنەلۆژیای GPU Turbo بۆ خێراكردنی یەكەی یاریەكان كەرێگا خۆشكەرە بۆ بەكارهێنەران چێژ لەیاریەكان وەربگرن.
پێشتر هواوی رایگەیاندبوو بۆ ساڵی دووەم ناوی لە لیستی فۆربس هاتووە وەك یەكێك لەبەرزترین ماركە بازرگانیەكان لە جیهان، هواوی تاكە كۆمپانیای وڵاتی چینە كە ناوی لەم لیستە هەیە لەساڵی 2018.
هواوی بەردەوامە لەپێشكەشكردنی تازەترین داهێنان كەسەرنجی بەكارهێنەران بۆ خۆی رادەكێشێت كە ئەوەش شوێنی بەرزی كۆمپانیا لەنێو كۆمپانیاكان بەهێزتر دەكات لەپێشەنگكردنی بواری مۆبایلدا.
سەرچاوەكان
راپۆرتی (جی ئێف كەی) بۆ مانگی ئایاری 2018
شیكردنەوەی كانالیز بۆ مۆبایل

ئۆتۆمبێل و تەکنەلۆژیا

فیستیڤاڵی تەکنەلۆجیای سلێمانی بەڕێوەچوو بە چەندین نمایشی جیاوازەوە

خەڵک- 
فیستیڤاڵی تەکنەلۆجیای سلێمانی، فیستیڤاڵیکی یەک-رۆژەی تەکنەلۆجی بوو کە ئەمڕۆ ئەنجامدرا لە لایەن ‘هاکاسولی’ و ‘فایڤ وەن لابس’ ەوە رێکخرابوو، فیستیڤاڵەکە گەنجی داهێنەر و هەموو ئەو کەسانەی خولیای تەکنەلۆجیان لەگەڵ سەرکردەو کۆمپانیاکانی بواری تەکنەلۆجیا پێکەوە کۆکردبوویەوە.

ئامانج لەم فیستیڤاڵە، هاندانی بەرەوپێشبردنی تەکنەلۆجیا، زیادکردنی حەز بۆ تەکنەلۆجیا بوو و فراوانکردنی تێگەیشتن بۆ هەلی کار لە دیدی ئەو کەسانەی بە دوای کاردا دەگەڕێن و هەروەها لە دیدی خاوەن کارەوە. لەم فیستیڤاڵەدا کەسانی بەهرەدار بە دوای کاردا دەگەڕان و خاوەن کاریش دەیتوانی باشترین بەهرەکان بدۆزێتەوە. بەم جۆرە ناساندێک لە نێوان بازاڕ و کەسانی پیشەگەر دروست دەبێت، وە زیاتر ڕوون دەبێتەوە بۆ گەنجان کە چ جۆرە لێهاتووییەک پەرەپێبدەن تاکو بتوانن لە داهاتوودا کار دەستەبەر بکەن.

فیستیڤاڵەکە پێک هاتبوو لە چەندین بەشی جیاواز، لەوانە:

– وتاری ‌قوباد تاڵەبانی، جێگری ئەنجومەنی وەزیرانی کودستان لە بارەی گرنگی تەکنەلۆجیا.
– وۆرکشۆپێک سەبارەت بە پەرەپێدانی ماڵپەر.
– پێشبڕکێیەکی کۆدین.
– نمایشکردنی پرۆژەی خویندکارانی زانکۆ.
– پێشانگای هەلی کار تایبەت بە ئای-تی.
– شوێنی تایبەت بۆ یارییە ئەلکترۆنییەکان.

چەند وێنەیەکی فیستیڤاڵەکە:

بەردەوام بە لە خوێندنەوە

ئۆتۆمبێل و تەکنەلۆژیا

وێنە و ناوی گەنجەكە بڵاوكرایەوە
فەیسبووك بەهۆی ئینیستاگرامەوە خەڵاتی گەنجێكی عیراقی دەكات

خەڵك- بەشی هەواڵ
كۆمپانیای فەیسبووك بەهۆی دۆزینەوەی كێشەیەكی ناو ئینیستاگرام خەڵاتی گەنجێكی عیراقی دەكات.

ناوەندی ڕاگەیاندنی ژمارەیی لە بەیاننامەیەكدا ئاماژەی بەوەكردووە، كە كۆمپانیای فەیسبووك گەنجێكی عیراقی خەڵات كردووە بەهۆی دۆزینەوەی كێشە و كەلیێنێك لە ئینیستاگرام.

ئاماژەی بەوەشكردووە، كە “ئەو كەلێنە ڕێگەی بۆ هاككەران خۆشدەكردن لە گۆڕینی (سی ڤی) كەسی ناو هەژمارەكەی ئینیستاگرام و خەزن كردنی زانیارییەكان دوای گۆڕینی”.

ئاشكراشی كردووە، كۆمپانیای فەیسبووك لەم ساڵدا و بۆ جاری سێیەم خەڵاتی (موئمل ئەحمەد شەكیر)ی كردووە، كە گەنجێكی عیراقیە و ئەندامی گروپی ناوەندی ڕاگەیاندنی ژمارەیەیە بەهۆی ئاشكرا كردنی ئەو كێشەیە و دەشڵێت: “پاداشتەكە بڕێكی دیاریكراو پارە بووە”.

بەردەوام بە لە خوێندنەوە

ئۆتۆمبێل و تەکنەلۆژیا

کیا، سێراتۆی نوێی ڕاگەیاند

خەڵک-

لە ماوەی دە ساڵی ڕابردوودا دوو کۆمپانیای ھیۆندای و کیای کۆری بە شێوەیەکی بەرچاو گەشەیان کردووە و ئێستا لە کێبەرکێی کۆمپانیا ئەزمووندار و بەناوبانگەکان نزیکبوونەتەوە، ساڵ دوای ساڵ مۆدێلەکانیان زیاتر وردەکاری و پێشکەوتنی دیار دەبێت و خێراتر لە کۆمپانیاکانی دیکە ئۆتۆمبێلەکانیان نوێ دەکەنەوە، لەو چوارچێوەیەدا جارێکی دیکە کۆمپانیای کیا گەڕایەوە و نەوەیەکی نوێی لە سێراتۆ ڕاگەیاند.

دیزاینی سێراتۆ Cerato ـی نوێ لە ستینگەر جی تی Stinger GT ـی برا گەورەکەی وەرگیراوە و شێوەیەکی سادەی بێ ئاڵۆزیی پێبەخشراوە، بە گریڵی لوتی پڵنگ کە ئۆتۆمبێلەکانی کیای پێدەناسرێتەوە، زانیاریی لەبارەی خۆی دەدات. درێژیی ئەم نەوەیە نزیک بە ١٠ سانتیمەتر لە نەوەی پێش خۆی زیاترە و لە سەر شاسییەکی تێکەڵەی ستیل دروستکراوە، کە بە ڕێژەی ١٦٪ بەھێزتر و رەقترە لە شاسیی نەوەی پێشتر.

کیا تەواوی دیزاینی ناوی سێراتۆی نوێی گۆڕیوە و مادەی کوالێتی باشی لە دروستکردنیان بەکار ھێناوە، شاشەیەکی ٨ ئینچی بە شێوەی ستاندار لە ھەموو ئاستەکان جێگیر کردووە، لەگەڵ ئەوەی بەھۆی زیادبوونی قەبارەکەی، ناوەکەی بە شێوەیەکی بەرچاو فراوان بووە.

ئەوەی تا ئێستا کیا لەسەر ئەم ئۆتۆمبێلە لە بارەی بزوێنەرەوە ئاشکرای کردووە ئەوەیە، بزوێنەرێکی 4 پستۆنیی بە قەبارەی 2.0 ـی دەخرێتە سەر، کە دەتوانێت ھێزی 147 HP دەربکات، ئەم بزوێنەرە دەبەسترێتەوە بە گێربۆکسێکی جۆری CVT ـی 6 نمرەیی، کە ڕێژەیەکی بەرچاوی سووتانی بەنزین کەمدەکاتەوە.

تا ئێستا کۆمپانیاکە ھیچ زانیارییەکی لەبارەی نرخی ئەم ئۆتۆمبێلە نوێیە ئاشکرا نەکردووە کە بڕیارە لە مانگی ٣ ـی ساڵی داھاتوو وەک مۆدێلی ٢٠١٩ بیخاتە بازاڕەکانی جیھانەوە، لە نێویاندا بازاڕەکانی رۆژھەڵاتی ناوین.

 

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین