بەڕێوەبەرایەتیی گشتیی هاتوچۆی گەرمیان بڵاویکردەوە، نیوەڕۆی ئەمڕۆ بەهۆی پێکدادانی دوو ئۆتۆمبێلەوە لەناو قەزای کەلاردا، حەوت کەس برینداربوون کە سیانیان منداڵن.
ئاماژەی بەوەشکردووە، ڕووداوەکە لەسەر ڕێگای پشتێنەیی شاری کەلار بووە و دوو ئۆتۆمبێلی جۆری شۆفرلێت ئۆپترا و نیسان ناڤارا پێکیانداداوە، بەهۆیەوە حەوت کەس برینداربوون و گواستراونەتەوە نەخۆشخان، هەتا چارەسەر پیویست وەربگرن.
هاوکات، بریندارەکان پێنج سەرنشینی شۆفرلێتەکە و هەردوو شۆفێرەکەن، سیانیان منداڵ و دووانیان ژن بوون.
