بەگوێرەی ڕاگەیەنراوێک لە سەرۆکایەتی هەرێمی کوردستانەوە، سەرۆکایەتی هەرێم سەرکۆنەی سووتاندنی كۆپیەكی قورئانی پیرۆز دەكات و ئاماژەی بەوەشکردووە ئەو كارە دەبێتە هۆی پەرەسەندنی ڕق و كینە و هەڕەشە لە پێكەوەژیان و ئاشتەوایی دەكات.
دەشلێت، “سەركۆنەی سووتاندنی قورئانی پیرۆزدەكەین و كارێكی تەواو ناڕەوایە و دەبێتە هۆی پەرەسەندنی ڕق و كینە و هەڕەشە لە پێكەوەژیان و ئاشتەوایی دەكات”.
لە راگەیەندراوەكەدا ئەوەشخراوەتەڕوو، دەبێت ڕێز لە بیروباوەڕ و هەستی ئایینی و پیرۆزییەكانی هەموو ئایین و ئایینزاكان بگیرێت و ڕێگە نەدرێت لەلایەن هیچ كەس و لایەنێكەوە ئازادی بقۆزرێتەوە بۆ بێڕێزیكردن بەپیرۆزییە ئاینییەکان.
