لە شاری بەغدا پڕۆژەی تەکسی ناو ئاو كەوتەكار، كە لە نێوان هەردوو بەشی (کەرخ و رەسافە) لە ڕووباری دیجلە هاووڵاتیان دەگوازرێتەوە.
وەزارەتی گواستنەی عێراق لە بەیاننامەیەكدا ئاماژەی بەوەكردووە، پڕۆژەی تەکسی ناو ئاویان کردۆتەوە و هاووڵاتییان دەتوانن بە ناو ڕووباری دیجلەدا بپەڕنەوە.
ڕاشیگەیاندووە، لە ڕۆژانی جەژنی قورباندا هاووڵاتییان بە خۆڕایی دەگوازرێنەوە.
جەختیشی كردۆتەوە، چەندین ساڵە کار دەکەن بۆ ئەو پڕۆژەیە تا توانیویانە ڕەزامەندی لایەنە ئەمنی و حکومیەکان وەربگرن.
