لە بەشێك لە پەیجەکانی سۆشیال میدیا، هەواڵی كۆچی دوایی حاجیە تەمەن 17 ساڵانەکەی شاری سلێمانی بڵاوکراوەتەوە، گوایە ئەمڕۆ لە کاتی چونیدا بۆ كێوی عەرەفە گیانی لەدەستداوە.
كۆمپانیای پاڕەزان بۆ حەج و عومرە لە ڕوونكردنەوەیەكدا ئاماژەی بەوەكردووە، “کاکە لاڤەند گەشتی حەجی کردووە لەگەڵ ئێمەدایە و سوپاس بۆ خوا زۆر باشە”.
ڕاشیگەیاندووە، “ئەو هەواڵە دوورە لەڕاستییەوە کەدەڵێن وەفاتی کردووە، بەداخەوە بۆ ئەو پەیجانەی تەنها لەبەر لایک و کۆمێنت هەواڵی درۆ بڵاو دەکەنەوە”.
لاڤەند عەبدولواحید، تەمەنی ١٧ ساڵە و دانیشتووی شاری سلێمانییە و لەگەڵ خانەوادەکەی بۆ بەجێهێنانی فەریزەی حەج چۆتە سعودیە و بە بچووکترین حاجی عێراقی دادەنرێت.
