وەزارەتی نەوتی عێراق ڕایدەگەیەنێت، لە مانگی ڕابردوودا زیاتر لە 102 ملیۆن بەرمیل نەوت فرۆشراوە و داهاتەكەشی گەیشتۆتە زیاتر لە 7 ملیار دۆلار.
وەزارەتی نەوتی عێراق لە ڕاگەیەنراوێكدا ئاماژەی بەوەكردووە، لە مانگی ئایاری ڕابردوودا كۆمپانیای بەبازاڕكردنی نەوتی عێراق (سۆمۆ) بڕی 102 ملیۆن و 463 هەزار و 387 بەرمیل نەوتی فرۆشتووە.
ڕاشیگەیاندووە، هەر بەرمیل نەوتێك بەتێكڕای گشتی بە 71 دۆلار و 485 سەنت فرۆشراوە.
ئاشكراشی كردووە، كۆی گشتی داهاتی فرۆشتنی نەوت لەو مانگەدا گەیشتۆتە 7 ملیار و 324 ملیۆن دۆلار.
