ئاژانسی هەواڵی شینخوای چین بڵاویکردەوە بەهۆی وشکەساڵی و کەمی ئاواوە زیاتر لە ٣٠ ملیۆن دۆنم زەوی کشتوکاڵی هەڕەشەیان لەسەرە و لەبەردەم مەترسی لەناوچووندان ئەوەش بەهۆی بەرزبوونەوەی پلەکانی گەرماوە دێت لە بەشێکی زۆری ناوچەکانی باکوری چینی گرتەوە لەماوەی هەفتەی ڕابردوودا.
ئەوەش لەکاتێکدایە وەزارەتی سامانی ئاوی چین ڕایگەیاند، نزیکەی ٢٠٠ هەزار کەس و ٧٦٠ هەزار ئاژەل ئاوی پیویستیان لەبەردەستدا نییە، هاوکات ناوجەکانی باکوری چین بەشی هەرەزۆری زیانەکانی وشکەساڵی بەرکەوتوە کە بەشێکی لەوەڕگاکان و مەزرای ئاژەڵ بەخێوکردن لەخۆدەگرێت.
وەزارەتی سامانی ئاوی چین باسی لەوەشکردووە، هەرێمی خەبی لە باکور و باکوری ڕۆژهەڵاتی لیاونینگ کە ناوچەیەکی گرنگی بەرهەمهێنانی گەنمەشامی و سپایاییە زیانێکی گەورەی بەرکەوتووە.
ڕۆژی شەممەی ڕابردوو بەرزی پلەی گەرما لە پەکینی پایتەختی چین گەیشتە ٤٠ پلەی سیلیزی و بەیانی ڕۆژی یەکشەممە پلەکانی گەرما کەمێک ڕوویان لەنزمبوونەوە کردووە، بەڵام پیشبینی دەکرێت ڕۆژی سێشەممە پلەکانی گەرما بۆ سەرو ٤٠ پلەی سیلیزی بەرز ببێتەوە یەکێک لەناوچە گەرمەکانیش پەکینی پایتەختی چین دەبێت.
