لە یەکەم ڕۆژی جەژندا هاتووچۆی بازرگانی لە دەروازەی نێودەوڵەتی باشماخ ڕادەگیرێت، بەڵام بۆ هاتووچۆی گەشتیاریی بە کراوەیی دەمێنێتەوە.
بەڕێوەبەرایەتی کۆمەڵگای دەروازەی نێودەوڵەتی باشماخ ڕایگەیاند، ئاگاداری سەرجەم بازرگان و شۆفێران دەکەین کە لەیەکەم ڕۆژی جەژنی قوربانی پیرۆزدا هاتووچۆی بازرگانی و کاروباری گومرگی بۆ ماوەی (٢٤) کاتژمێر ڕادەگیرێت.
ڕوونیشیکردەوە کە لە دووەم ڕۆژی جەژنەوە هاتووچۆی بازرگانی ئاسایی دەبێتەوە. بەڕێوەبەرایەتی دەروازەکە ئەوەشی خستەڕوو کە داخستنە کاتییەکە هاتووچۆی گەشتیاری ناگرێتەوە و لە ڕاگەیەندراوەکەدا هاتووە ” ئاگاداری گەشتیاران دەکەین هاتووچۆی گەشتیاری ئاسایی دەبێت (٢٤) کاتژمێر لەخزمەتی هاوڵاتیاندا دەبین و بۆ ساتێکیش ڕاناگیرێت لەڕۆژانی پشوو جەژنەکانیشدا”.
ڕۆژی چوارشەممە یەکەم ڕۆژی جەژنی قوربانە و بەشێك لە هاووڵاتییان بۆ بەسەربردنی پشووەکان ڕوو لە سەیرانگەکانی ڕۆژهەڵات و باکووری کوردستان دەکەن.
