ڕۆدریگۆ لاسیمار پزیشكی هەڵبژاردەی بەڕازیل لە دوای دۆڕاندنی هەڵبژاردەكەی بەرامبەر بە كامیرۆن بە ئەنجامی 1-0، باسى چاكبوونەوەی دانیلۆ بەرگریكاریی هەڵبژاردەكە دەكات لە پێكان و دەڵێت، نیماریش خەریكە دەگەڕێتەوە دۆخی ئاسایی خۆی بەر لە ڕووبەڕووبوونەوەی كۆریای باشوور لە قۆناغی 16ی مۆندیال.
لە یەكەم یاریی هەڵبژاردەكەيان بەرامبەر بە سربیا، دانیلۆ و نیمار تووشی پێكان بوون، ئەمەش وایكرد لە یارییەكانی سویسرا و كامیرۆن لە قۆناغی گروپەكاندا یاریی نەكەن.
لاسیمار لە بارەی ئامادەبوونی هەردوو یاریزانەكە لە یاریی قۆناغی 16 لە دوو شەممەی داهاتوو، بە ڕۆژنامەوانانی ڕاگەیاندووە”ئەوەی پەیوەندی بە نیمار و ئەلێكسیس ساندرۆوە هەيە، لەوبڕوایەين كاتی باشمان لەبەردەمدایە و دەكرێت لەو یارییەدا بەشداربن، دانیلۆش لە ڕاهێنانەكاندا بەشدارە و نیشانە ئەرێنییەكانی چاكبوونەوەی پێوە دەركەوتووە”.
