سەڵاحەدین بەهادین بۆ مووچەی فەرمانبەران پەیامێك بە بافڵ تاڵەبانی دەدات



بافڵ جەلال تاڵەبانی و سەڵاحەدین بەهائەدین كۆبوونەوە و ئەمینداری گشتی یەکگرتوو ڕایگەیاند، لەکاتی دروستبونی ناکۆکیەکان کار لەسەر ئەوە بکەن کە مووچە و بژێوی خەڵک لەدەرەوەی ناکۆکیەکان بێت.

بەگوێرەی ڕاگەیەنراوێکی یەکگرتوی ئیسلامی، دوانیوەڕۆی ئەمڕۆ یەک شەممە، سەڵاحەدین محەمەد بەهائەدین، ئەمینداری گشتی یەکگرتوی ئیسلامیی بە ئامادەبونی ژمارەیەک لە ئەندامانی ئەنجوومەنی جێبەجێکردن و سەرکردایەتی، پێشوازی کرد لە بافڵ جەلال تاڵەبانی، سەرۆکی یەکێتیی نیشتیمانیی کوردستان و شاندێکی یاوەری.

ئەمینداری گشتی یەکگرتو جەختیکردەوە، “پێویستە هاووڵاتیانی هەرێمی کوردستان بەگشتی و مووچەخۆران بە تایبەتی نەبنە قوربانی ململانێ سیاسیەکان، چونکە بەداخەوە لەماوەی 30 ساڵی حکومڕانی کوردیدا هاووڵاتیانی سڤیل قوربانی یەکەمی ناکۆکی و ململانێ سیاسیەکان بوون”.

وتووشیەتی، “پێویستە لەسەر کاربەدەستانی حکومی لەکاتی دروستبونی ناکۆکیەکان کار لەسەر ئەوە بکەن، کە مووچە و بژێوی خەڵک لەدەرەوەی ناکۆکیەکان بێت”.

ئەمینداری گشتی یەکگرتو ئاماژەی بەوەدا، “زەرورە کورد خۆی بۆ هەر گۆڕانکارییەکی چاوەڕوان نەکراو لە ناوچەکە ئامادە بکات و بەرنامە و پلانی پێشوەختەی بۆ ئەو مەبەستە هەبێت”.

لەلایەن خۆشیەوە، سەرۆکی یەکێتیی نیشتیمانیی کوردستان ڕۆڵی ئەمینداری گشتی یەکگرتوی لە گۆڕەپانی سیاسی عێراق و هەرێمی کوردستان بەگرنگ وەسف کرد و ڕونیشیکردەوە، “یەکگرتوو هەر لەسەرەتای دروستبوونی تاوەکو ئێستاشی لەگەڵدا بێت زەرورەتی کایەی سیاسی کوردستان بووە”.

نێچیرڤان بارزانی دەچێتە ئەڵمانیا
پێشت نێچیرڤان بارزانی دەچێتە ئەڵمانیا
عێراق مووچە بۆ ڕزگاربووانی ژێر دەستی داعش دەبڕێتەوە
دواتر عێراق مووچە بۆ ڕزگاربووانی ژێر دەستی داعش دەبڕێتەوە
پەیوەندیدار