بانكی ڕافیدەين، ماوەی دانەوەی قەرز بۆ كڕینی خانوو دیاریی دەكات، ئاماژە بە بڕی قەرزەكەش دەكات كە دەگاتە 150 ملیۆن دینار.
بەپێی بەیاننامەیەك كە ئەمڕۆ شەممە لەلایەن بانكی ڕافیدەینەوە بڵاوكرایەوە”ماوەی دانەوەی قەرز بۆ كڕینی خانوو دەگاتە دە ساڵ”.
هەر لە بەیاننامەكەدا هاتووە”سودی قەرزەكە دەگاتە لەسەدا 4 و بڕی ئەو قەرزەش كە دەدرێتە هاووڵاتیان بۆ كڕینی خانوو، دەگاتە 150 ملیۆن دینار”.
وابڕیارە، لە دوای كردنەوەی بانكی نیشتمان كە سەر بە بانكی ناوەندی عیراق دەبێتە، ئەو جۆرە پێشینانە هاووڵاتی هەرێمی كوردستانیش بگرێتەوە.
