وەزارەتی بەرگریی ڕووسیا داوا لە شەڕکەرانی ڤاگنەر دەکات پەیوەندی بە سوپا و هێزەکانی جێبەجێکردنی یاسا بکەن.
لە ڕاگەیەنراوێکدا، وەزارەتی بەرگریی ڕووسیا داوای لە سەرجەم چەکدارانی ڤاگنەر کرد کە “وریابن” و پەیوەندی بە هێزەکانی جێبەجێکردنی یاسا بکەن.
لە راگەیەندراوەکەدا، ئاماژە بەوەکراوە، شەڕکەرانی ڤاگنەر “بە درۆ پەلکێشی ناو سەرکێشییە تاوانکارییەکان و یاخیبوونی چەکداریی (یێڤگینی پریگۆژین )کراون” و تێیدا هاتووە: “زۆرینەی هاوڕیکانتان، بۆ گەڕانەوە بە شێوەیەکی پارێزراو بۆ شوێنەکانی جێگیرکردنی هەمیشەیی داوای هاوکارییان کرد و هەر زوو لە هەڵەکانیان تێگەیشتن، هاوکارییەکی لەو جۆرە، بۆ سەرجەم شەڕکەر و فەرماندەکان دابینکراوە”.
لە راگەیەندراوەکەدا داوا لە سەرجەم چەکدارانی ڤاگنەر کراوە، وریابن و تا دەکرێت لە نزیکترین کاتدا پەیوەندی بە وەزارەتی بەرگریی ڕووسیا و هێزەکانی جێبەجێکردنی یاسا بکەن و ئاسایشی هەموو کەس گەرەنتی کراوە.
