لەڕووداوێکی هاتووچۆدا لە ڕێگەی نێوان کەلار دەربەندیخان بەهۆی وەرگەڕانی ئۆتۆمبێلێکەوە شەش کەس برینداربوون. ڕووداوەکە لەنزیک ئاوەخوێڕی سەربە ناحیەی باوەنوور ڕوویداوە.
بەگوێرەی زانیارییەکان ئۆتۆمبێلەکە بە ئاراستەی دەربەندیخان هاتووە و بەهۆی پابەندنەبوونی بە ڕێنماییەکانی هاتووچۆ کۆنترۆڵی لەدەستداوە و وەرگەڕاوە، هاوکات لە ڕووداوەکەدا شۆفێری ئۆتۆمبێلەکە و پێنج سەرنشین برینداربوون.
دوابەدوای ڕووداوەکە، بەمەبەستی وەرگرتنی چارەسەری پێویست بریندارەکان گواستراونەتەوە نەخۆشخانەی شەهید مەلا ئەحمەد لە ناحیەی باوەنوور.
