وتەبێژی وەزارەتی دارایی حکومەتی هەرێمی کوردستان رایگەیاند، رۆژی یەکشەممەی داهاتوو ٤٠٠ ملیاری دیناری دیکە لە لایەن بەغداوە دەگاتە هەرێمی کوردستان و هەوڵدەدەین پێش جەژنی قوربان مووچەی سەرجەم وەزارتەکان دابەشبکەین.
هونەر جەمال، وتەبێژی وەزارەتی دارایی حکومەتی هەرێمی کوردستان رایگەیاند، ئێوارەی ئەمڕۆ پێنجشەممە ئەنجوومەنی وەزیرانی عێراق و وەزارەتی دارایی رەزەمەندییان لەسەر ناردنی ٤٠٠ ملیار دیناری دیکە دا بۆ هەرێمی کوردستان بۆ دابەشکردنی مووچەی مانگی ٥ی مووچەخۆران و فەرمانبەران.
وتیشی: هەوڵدەدەین بە ٤٠٠ ملیار دینارە پێش جەژن مووچەی سەرجەم وەزارەتەکان دابەشبکەین.
تا ئێستا مووچەی وەزارەتی تەندروستی، پێشمەرگە ، ناوخۆ، دارایی مووچەی مانگی پێنجیان وەرگرتووە و دیاریش نییە دواتر مووچەی کوێ دابەشدەکرێت، چونکە وەزارەتی دارایی بۆ ئەم مانگە خشتەی مووچەی بڵاونەکردووەتەوە و رۆژانە وەزارەت وەزارەت بڵاویدەکاتەوە.
