بەیانى ئەمڕۆ درۆنێکى تورکیا لە یەکێک لە گوندەکانی شارۆچکەى پشدەری سەر بە ئیدارەی ڕاپەڕین کەوتە خوارەوە، بەکر بایز قایمقامی پشدەر ئاماژەی بەوەکردووە، درۆنەکە لەگوندی شەروێتی کەوتووەتەخوارەوە و بە تەواوەتى تێکشکاوە و لایەنە ئەمنییەکان لەبارەی ڕووداوەکەوە دەستیان بە لێکۆڵینەوە کردووە.
باسی لەوەشکردووە، کەوتنەخوارەوەی درۆنەکە هیچ زیانێکى گیانى بە دواى خۆیدا نەهێناوە. بەگوێرەی زانیارییەکان دواى ڕووداوەکە پاشماوەى درۆنە تێکشکاوەکە لەلایەن هێزە ئەمنیەکانەوە کۆکراوەتەوە و لابراوە و لەئێستادا لێکۆڵینەوە لە ڕووداوەکە بەردەوامە.
ئەوەش لەکاتێکدایە، دوێنێ درۆنێکى دیکەی تورکیا بە هەمان شێوە لە سنورى قەندیل کەوتە خوارەوە.
