وەزارەتی تەندروستی حكومەتی هەرێمی كوردستان ژمارەیەك بڕیار بۆ كۆنتڕۆڵ كردنی پەتای “تای خوێنبەربووون” دەردەكات و ڕایدەگەیەنێت، نەخۆشییەكی ڤایرۆسی مەترسیدارە و چەند حاڵەتێكی پشتڕاستكراوە تۆماركراوە.
وەزارەتی تەندروستی هەرێم لە گشتاندنێكدا ئاماژەی بەوەكردووە، سەربڕینی ئاژەڵ لەناو ماڵان بەهەموو شێوەیەك قەدەیە و تەنها لەشوێنی ڕێگەپێدراو دەبێت.
هەر بەپێی گشتاندنەكە، پابەندبوونی قەسابەكان بە لەبەركردنی كەلوپەلی خۆپاراستن بەتایبەت لەبەركردنی دەستكێشی لاستیك و جلوبەرگی تایبەتی خۆپارێزی لەكاتی مامەڵەكردن لەگەڵ ئاژەڵ یان گۆشت و خوێنەكەی.
وەزارەتی تەندروستی بڕیاریشی داوە، “پێویستە ئاژەڵ چارەسەركراوبێت بە ڕشاندنی قركەر دوو هەفتە پێش سەربڕینی” و جەختیشی كردۆتەوە، دوای سەربڕینی ئاژەڵ دەبێت شوێنەكە پاكژبكرێتەوە بە گیراوەی كلۆر.
دەقی بڕیارەكانی تەندروستی:
