كۆمپانیای دەرمانی سامەڕا، كە لە هەشتاكانی سەدەی ڕابردوودا خاوەنی ناوبانگێكی گەورەی جیهانی بوو لە دروستكردنی دەرمان، دەستی بەكاركردن كردەوە و شروبێكی بۆ پەتا و كۆكە خستەبازاڕەوە.
كۆمپانیای دەرمانی سامەرا لە بەیاننامەیەكدا دروستكردنی شروبی (سامافێد پڵەس)ی ڕاگەیاند و ئاماژەی بەوەكرد، كە شروبەكە بۆ چارەسەری ئەنفلۆنزا و حەساسیەت و هەڵامەت و نەهێشتنی لوتگیران و ئاوی لووت و کەمکردنەوەی پژمین بەكاردێت.
ڕوونیشی كردۆتەوە، شروبەكە ڕزگارت دەكات لە ئازاری سەرئێشە و دەبێتە هۆی کەمکردنەوەی تا.
كۆمپانیای دەرمانی سامەڕا ئاماژەی بەوەشكردووە، لە ئێستادا 60 هەزار بوتڵ (قنینە)ی لەو شوربە دروست كردووە و خستویەتیە ناو دەرمانخانەكانەوە.
