سەرۆک کۆمار یاسای بودجەی عێراقی واژۆ کرد



 

سەرۆکایەتی کۆماری عێراق رایگەیاند، سەرۆک کۆمار ڕەشنووسی یاسای بودجەی عێراقی واژۆ کرد.

یاسای بودجەی گشتی عێراق بۆ ساڵەکانی (2023، 2024 و 2025) لە 78 ماددە پێکهاتووە و کۆی گشتی بودجەکەش بە 198 ترلیۆن و 910 ملیار و 343 ملیۆن و 590 هەزار دینار بۆ ساڵی دارایی 2023 خەمڵێندراوە، کە داهاتی گشتی عێراقیش بۆ ئەو ساڵە بە 134 ترلیۆن و 552 ملیار و 919 ملیۆن و 63 هەزار دینار داندراوە، بەم پێیەش 64 ترلیۆن و 357 ملیار و 424 ملیۆن و 527 هەزار دینار کورتهێنان لە بودجەدا هەیە.

لە یاساکەدا، زۆرترین داهاتی بودجەی گشتی عێراق پشتی بە هەناردەکردنی نەوت بەستووە کە لە ڕۆژێکدا دەبێت سێ ملیۆن 500 هەزار بەرمیل نەوت هەناردەی دەرەوە بکات بە 400 هەزار بەرمیلەکەی هەرێمی کوردستانیشەوە، کە نرخی بەرمیلێک نەوت بە 70 دۆلار خەمڵێندراوە. هەروەها بەهای 100 دۆلاریش بە 130 هەزار دینار جێگیرکراوە.

دوای نۆ ڕۆژیش لە ناردنی یاسای بوجدەی عێراق ئەمڕۆ سەرۆک کۆمار پرۆژە یاساکەی واژۆ کرد.

 

پارەیەكی دیكە لە بەغداوە گەیشتە هەرێم و دەست بە دابەشكردنی دەكرێت
پێشت پارەیەكی دیكە لە بەغداوە گەیشتە هەرێم و دەست بە دابەشكردنی دەكرێت
ئەمەریکا بە سیستمێکی وەزارەتی بەرگری یارمەتی کەنەدا دەدات
دواتر ئەمەریکا بە سیستمێکی وەزارەتی بەرگری یارمەتی کەنەدا دەدات
پەیوەندیدار