ئەو حاجییەی لە مەککە جەڵتەی مێشك لێدابوو، لە شاری مەککە کۆچی دوایی کرد.
وەزارەتی ئەوقاف و کاروباری ئایینی ڕایگەیاند، بەرەبەیانی ئەمڕۆ چوارشەممە، دووەم حاجی لەشاری مەککەی پیرۆز کۆچی دوایی کرد.
ڕوونیکردەوە حاجیەکە ناوی ئەختەر ئەحمەد عەبدولکەریمە و لەدایکبووی ١٩٥٥ی ھەڵەبجەی تازەیە.
ئەو حاجییە پێشتر بەهۆی جەڵتەی مێشک داخڵی نەخۆشخانە کرا و دوای ئەنجامدانی نەشتەرگەریی ئەمڕۆ کۆچی دوایی کرد.
وەزارەتی ئەوقاف ئەوەشیخستەڕوو کە حاجییەکە بەڕەزامەندی کەسوکارەکەی لە شاری مەککەی پیرۆز بەخاک دەسپێردرێت .
ئەمە دووەم حاجی کورد کە لە مەککە کۆچی دوایی بکات، دوێنێش حاجییەکی دیکە بە ناوی رەحیمە قادر حەسەن دانیشتووی ئیدارەی سەربەخۆی راپەرین، لە مەککە گیانی لەدەستدا.
