محەمەد سەباح دلێمی، بەڕێوەبەری فەرمانگەی تەندروستی ئەنبار لە لێدوانێکی تایبەتدا ڕایگەیاند: لە ئەنبار لەماوەی ڕابردودا تەنیا پێنج حاڵەتی تای خوێنبەربوونیان تۆمارکردووە و هیچ حاڵەتێکی گیان لەدەستدان تۆمارنەکراوە.
بەڕێوەبەرەکە ڕاشیگەیاند، کە کۆنترۆڵکردنی ڤایرۆسی تای خوێنبەربونیان کردوە و نکۆڵی لەوە دەکات کە حاڵەتی گیان لەدەستدانی نوێ لەنێو تووشبوواندا تۆمارکرابێت.
لە درێژەی قسەکانیدا دلێمی دەڵێت: بەڕێوەبەرایەتی تەندروستی ئەنبار بە هەماهەنگی لەگەڵ بەشەکانی ڤێتێرنەری و ژینگە و هێزە ئەمنییەکان ڕێوشوێنی خۆپارێزییان گرتوەتەبەر بۆ ڕێگریکردن لە هاوردەکردنی ئاژەڵ کە مۆڵەتی تەندروستییان نییە.
ئاماژەی بەوەشکردوە، دەرمانییان لە زۆربەی ناوچەکان و ئەو ناوچانەی کە ئاژەڵییان تێدا بەخێودەکرێت ڕشتوە و ئاژەڵدارەکانیش پابەندکراون بە ڕێنماییە تەندروستییەکان.
