سوپای تورکیا ئۆتۆمبێلێکی لە رۆژئاوای کوردستان کردە ئامانج و سێ کەس کە یەکێکیان بەرپرسە، گیانیان لەدەستدا.
ئەمڕۆ سێشەممە، سەرچاوەکانی هەواڵی ڕۆژئاوای کوردستان بڵاویانکردەوە، سوپای تورکیا ئۆتۆمبێلێکی لە نێوان قامیشلۆ و عامودا کردە ئامانج و بە هۆیەوە سێ کەس گیانیان لەدەستدا.
لای خۆشیەوە ڕوانگەی سوریا بۆ مافەکانی مرۆڤیش ڕایگەیاند، یەکێك لەوانەی گیانیان لەدەستداوە لە خۆبەڕێوەبەری ڕۆژئاوا کوردستاندا بەرپرسە، بەڵام ناسنامە و پۆستەکەی ئاشکرا نەکردووە.
هەندێک سەرچاوەش باس لەوە دەکەن بەرپرسەکە، هاوسەرۆکی کانتۆنی قامیشلۆیە، بەڵام ئەو زانیارییە بە فەرمی پشتڕاست نەکراوەتەوە.
