دابەشکردنی مووچەی پێشمەرگە بەردەوامە و تا کۆتایی هەفتەش دوو وەزارەتی دیکە مووچەی مانگی پێنج وەردەگرن.
بە پێی ڕاگەیەندراوێکی وەزارەتی دارایی و ئابووری، ئەمڕۆ سێشەممە مووچەی یەکەی ٧٠ و ٨٠ هێزەکانی پێشمەرگە دابەش دەکرێت.
بڕیارە ڕۆژی چوارشەممە وەزارەتی دارایی و ڕۆژی پێنجشەممەش وەزارەتی ناوخۆو بەڕێوبەرایەتی دامودەزگا نەوتییەکان و بەڕێوبەرایەتی گشتی ڕەگەزنامە مووچەی مانگی پێنج وەربگرن.
تا ئێستا وەزارەتی دارایی کاتی دابەشکردنی مووچەی وەزاەرتەکانی دیکەی ڕانەگەیاندووە.
