سەرۆکی لیژنەی جێبەجێکردنی مادەی ١٤٠ی دەستووری عیراق، کارکردنی بە گرێبەستە کشتوکاڵییەکانی ڕژێمی بەعس ڕاگرت.
هادی عامری، سەرۆكی لیژنەی باڵای جێبەجێكردنی مادەی ١٤٠ وەزارەتی كشتوكاڵی عێراقی ئاگادار کردەوە لەوەی كار بەگرێبەستەكانی سەردەمی ڕژێمی بەعس ناکەن کە لە چوارچێوەی پیلانی تەعریب لە دژی کورد پەسەندیکردبوون.
عامری لە ئاگادارکردنەوەکەی بۆ وەزارتی کشتوکاڵ ڕونیکردووەتەە کە گرێبەستەکانی تەعریب بەپێی بڕیاری ژمارە ٢٩ی ساڵی ٢٠١٢ی ئەنجومەنی وەزیرانی عێراق هەڵوەشاونەتەوە.
