لە ئاکامی وەرگەڕانی پاسێکی زیارەتکارانی عیراق لە ئێران، ٢٣ کەس بوونە قوربانی.
ئەمڕۆ یەکشەممە ئاژانسی هەواڵی میهری ئێرانی بڵاویکردەوە، لە رێگای نەیشابوور پاسێکی زیارەتکارانی عێراق خۆی کێشاوە بە دوو ئۆتۆمبێلدا و وەرگەڕاوە.
لە رووداوەکەدا سێ گەشتیاری عێراقی و هاووڵاتییەکی ئێرانی گیانیان لەدەستداوە و ١٩ کەسی دیکەش برینداربوون.
روونیشیکردەوە کە هۆکاری رووداوەکە بۆ ئەوە دەگەڕێتەوە کە ئۆتۆمبێلێک لەناکاو ئاڕاستەی خۆی گۆڕیوە و بە هۆیەوە پاسەکە وەرگەڕاوە.
