نزیکەی ٩٠ کەس بە هۆی خواردنەوەی مەیی ماوەبەسەرچووەوە لە شارێکی ئێران ژەهراوی بوون و زیاتر لە ١٠ کەسیان گیانیان لەدەستدا.
میدیای ئێران بڵاویکردەوە لە شاری کەرەج کە دەکەوێتە رۆژئاوای تارانی پایتەختەوە، ٨٨ کەس بە هۆی خواردنەوەی مەیی ماوەبەسەرچووەوە ژەهراوی بوون و بە مەبەستی چارەسەرکردن گوازرانەوە بۆ نەخۆشخانە.
ئەوەشیان خستەڕوو کە ١٤ کەسیان گیانیان لەدەستداوە.
ئاماژەش دراوە بەوەی نزیکەی ٤٠ کەس لەوانەی ژەهراوی بوون لە ژێر چاودێری تەندروستیدان و باری تەندروستی زۆربەشیان باشە.
