بەڕێوەبەرایەتی گشتی کاروباری شەهیدان و ئەنفالکراوانی هەڵەبجە، بەپێی ڕێنماییەکانی وەزارەت هەلی دامەزراندنی بۆ بەشێک لە پسپۆڕییەکانی پارێزگای هەڵەبجە راگەیاند.
بەڕێوەبەرایەتی گشتی کاروباری شەهیدان و ئەنفالکراوانی هەڵەبجە لە ڕاگەیەنراوێكدا ڕوونی کردەوە، دامەزراندنەکە لەڕێی ئۆنلاینەوە دەبێت و لەکاتی پڕکردنەوەی فۆڕمەکە دەبێت زۆر وریابن و ئاگاداری زانیارییەکان بن ، چونکە لەکاتی هەبونی هەڵە و کەموکورتی بۆ دووبارە پڕکردنەوەی فۆڕمەکە چانسی دامەزراندنت نامێنێت.
بەڕێوەبەرایەتیەکە ئەوەشی ئاشکراکرد ، لەسەر ڕاسپاردەی وەزارەت هەڵدەستێت بە ئەنجامدانی تیروپشک بۆ دیاریکردنی (٢٠) کەس لە کەسوکاری شەهیدی پلە یەک ( کوڕ و کچی شەهید و خوشک و برای شەهید و هاوسەری شەهید) ،بەمەبەستی دامەزراندنیان بە شێوەی گرێبەست لەم پسپۆڕیانەی خوارەوە
پسپۆڕیەکان:
- یاسا – بەکالۆریۆس
- ژمێریاری – بەکالۆریۆس
- ژمێریاری – دبلۆم
- ئای تی – بەکالۆریۆس
- کۆمپیوتەر – بەکالۆریۆس
- کۆمپیوتەر – دبلۆم
- کارگێڕی – بەکالۆریۆس
- کارگێڕی – دبلۆم – ئامادەیی
- شۆفێر – سەرەتایی
- کارگوزار
مەرجەکان بریتین لە :
* تەمەنی ٣٥ ساڵ بەرەو سەر نەبێت، و ١٨ ساڵ کەمتر نەبێت.
* خاوەنی ڕەگەزنامەی عێراقی بێت.
* دانیشتوی سنوری پارێزگای ھەڵەبجە بێت .
کەسوکاری پلە یەکی شەھیدبێت (کوڕ و کچ ، ھاوسەر ، خوشک و برا) .
تێبینی/
– پڕکردنەوەی فۆڕم بە شێوەی ئۆنلاینە. – دووبارە پڕکردنەوەی فۆڕم، مافی بەشداری کردنت نامێنێ.
– بەشداربوو بەرپرسیارە لە راست و دروستی زانیاریەکان. – دەبێت بەشداربوو لەکاتی چاوپێکەوتن سەرجەم زانیاریەکانی ناو فۆرمەکە بە بەڵگەوە ئاڕاستەمانی بکات.
– ئەو خۆبەخشانەی بەبەردەوامی لە بەڕێوەبەرایەتی گشتیمان وەك خۆبەخش خزمەت دەکەن مافی بەشداریکردنیان دەبێت .
– ئەو کەسەی چانسی دامەزراندنی دەبێت ، دەبێت بەڵێننامە پڕکاتەوە کە تاوەکو ٥ ساڵ داوای تەنسیب یان گواستنەوە نەکات.
ڕاشیگەیاندووە، لیستی ئەو کەسانەی کە ناویان دەردەچێت لەڕێی وەزارەتمانەوە بەرزدەکرێتەوە بۆ ئەنجومەنی وەزیران بەمەبەستی وەرگرتنی رەزامەندی دامەزراندنیان.
لە ڕۆژی پێنج شەممە کاتژمێر ١٢ ی نیوەڕۆی ٢٠٢٣/٦/٢٢ پڕکردنەوەی فۆڕم دەوەستێت.
