ژمارەی ئەو کەسانەی لە ئاکامی دروستبوونی شەڕ بەهۆی کێشەی زەویوزارەوە لە قەزای بیسمیل لە پارێزگای دیاربەکر گیانیان لەدەستدا گەیشتە 9 کەس.
ئاژانسی هەواڵی (ئەنادۆڵو) بڵاویكردەوە، ئەو مشتومڕەی لەنێوان دوو خانەوادە لە گوندی سەرچەلەر دروست بوو دواتر سەری کێشا بۆ شەڕ و بەکارهێنانی چەک.
ئاماژەی بەوەشكردووە، وێرای تەواوی هەوڵەکان نەتواندرا گیانی یەکێک لەو بریندارانە ڕزگار بکرێت و لە نەخۆشخانەی کۆلێژی پزیشکیی زانکۆی دیجلە لە دیاربەکر گیانی سپارد.
بەو پێیە لە ئاکامی شەڕەکەدا 9 کەس گیانیان لەدەستدا و دووی دیکەیش بریندار بوون.
تیمەکانی جەندرمە رێوشوێنی ئەمنی توندوتۆڵیان لە گوندەکە گرتە بەر و برینداربووان لەلایەن تیمە تەندروستییەکانەوە لە گوندەکەوە گوازرانەوە شار و ڕەوانەی نەخۆشخانەکان کران.
