بافڵ تاڵەبانی: نابێت بەهیچ شێوەیەك بوار بۆ پێشێلكاری و یاساشكێنی بهێڵنەوە



بافڵ جەلال تاڵەبانی، سەرۆكی یەكێتیی نیشتمانیی كوردستان سەرپەرشتی كۆبوونەوەیەكی باڵای ئەمنی كرد و ڕایگەیاند، دەبێت لە هەموو قۆناغەكاندا ئەركی لەپێشینە و بەرپرسیارێتی سەرەكیتان پاراستنی ژیانی خەڵك و چەسپاندنی یاسا بێت.

لە كۆبوونەوەكەدا كە لە دەباشان بەڕێوەچوو، هەریەك لە جەلال شێخ ناجی، سەرۆكی ئاژانسی پاراستن و زانیاری/زانیاری و هیوا ئەحمەد، سەرۆكی دەزگای ئاسایشی هەرێم و لیوا ڕوكن بەختیار محەمەد، ئەمینداری وەزارەتی پێشمەرگە و وەهاب هەڵەبجەیی، بەڕێوەبەری گشتیی دژەتیرۆر و سەرخێڵ كەمال، بەڕێوەبەری ئۆپەراسیۆنەكانی دەزگای ئاسایش و پۆلۆ شاڵاو عەلی عەسكەری، لێپرسراوی هەواڵگریی پێشمەرگە و دیار عومەر، جێگری فەرماندەی فەرماندەیی كۆماندۆی كوردستان ئامادەبوون.

بەپێیی ڕاگەیەنراوی نووسینگەی سەرۆكی یەكێتی، لە كۆبوونەوەكەدا دوایین گۆڕانكارییە ئەمنییەكان و هەماهەنگییە سەربازی و هەواڵگرییەكانی نێوان هەرێم و عیراق گفتوگۆی لەبارەوەكرا و جەخت لە یەكخستنی هەوڵەكان كرایەوە لەپێناو پاراستنی سەقامگیریی هەرێم و ژیانی هاووڵاتییان.

بافڵ جەلال تاڵەبانی لەبارەی ئەرك و بەرپرسیارێتیی هێزە ئەمنییەكان ئامادەبووانی بەرچاوڕوون كرد و رایگەیاند، دەبێت لە هەموو قۆناغەكاندا ئەركی لەپێشینە و بەرپرسیارێتی سەرەكیتان پاراستنی ژیانی خەڵك و چەسپاندنی یاسا بێت.

وتیشی، “نابێت بەهیچ شێوەیەك بوار بۆ پێشێلكاری و یاساشكێنی بهێڵنەوە و بەتوندترین شێوە رووبەڕووی ببنەوە”.

جەختیشی كردەوە، دڵنیام بە پاڵپشتی و هاوكاریی هەموومان دەتوانین لەئاست ئەو بەرپرسیارێتییە نیشتمانییەدا بین و مێژوویەكی درەوشاوە بۆ هێزەكانمان تۆمار بكەین وەكئەوەی هەمیشە كردوومانە.

لە رووداوێکی هاتووچۆدا کەسێک گیانی لەدەستدا
پێشت لە رووداوێکی هاتووچۆدا کەسێک گیانی لەدەستدا
کەمپی نیشتەجێکردنی هێزە کوردیەکان لەهەرێم دەچێتەبواری جێبەجێکردنەوە
دواتر کەمپی نیشتەجێکردنی هێزە کوردیەکان لەهەرێم دەچێتەبواری جێبەجێکردنەوە
پەیوەندیدار