حکومەتی عێراق نوسراوی خەرجکردنی ٤٠٠ ملیار دینارەکەی ھەرێمی کوردستانی ئاڕاستەی وەزارەتی دارایی عێراق کرد، بڕیارە بە گەیشتنی پارەکەش خشتەی دابەشکردنی مووچەی مانگی ئایار رابگەیەنرێت.
بەپێی سەرچاوەکانی هەواڵ ،ئەنجوومەنی وەزیرانی عێراق نوسراوی خەرجکردنی ٤٠٠ ملیار دینارەکەی ھەرێمی کوردستانی ئاڕاستەی وەزارەتی دارایی عێراقی کردووە و داوایکردووە جێبەجێی بکات.
هاوکات وەزارەتی دارایی حکومەتی هەرێمی کوردستان ڕایگەیاند، ئەوان چاوەڕوانی ناردنی ٤٠٠ ملیار دینارەکەن ،لەگەڵ ئەو بڕە پارەیەی لە داھاتی ناوخۆ لە بەردەستیانە، خشتەی مووچەی مانگی ئایار رادەگەینن و دەست بەدابەشکردنی مووچە دەکەن.
