دەوڵەتی توركیا بە درۆن هێرشی كردەسەر خاڵێكی سەربازی هێزەكانی حكومەتی سووریا لە گوندی كۆرانێ لە ڕۆژهەڵاتی كۆبانێ.
ئاژانسی فوڕات بڵاویكردەوە، لەو هێرشەدا ٢ سەربازی حكومەتی دیمەشق برینداربوون‌و بریندارەكان گواستراونەتەوە بۆ نەخۆشخانەی كۆبانێ.
دەوڵەتی توركیا گوندی گۆزەلیەی ڕۆژئاوای تل تەمریشی تۆپباران كرد.
هاوكات سوپای توركیا ناوەندی ناوچەی زرگان، گوندەكانی رەبیعات، تل وەرد، بۆبی، مهرماڵە، داد عەبدال، ئەسەدیەی بە كاتیوشا و هاوەن بۆردومان كرد.
