بانکی ناوەندی مۆڵەتی کۆمپانیایەکی هەڵوەشاندەوە



 

بانكی ناوەندی عێراق مۆڵەتی كۆمپانیایەكی نێوەندگیری ئاڵوگۆڕی دراوی هەڵوەشاندەوە و هاوکاتیش بڕیاریدا بە دەسبەسەرداگرتنی گرەنتی نامەكەی و سڕینەوەی ناوەكەشی.

بانكی ناوەندی لەڕاگەیەندراوێكدا لەپێگەی خۆی بڵاویكردەوە، “بە پشتبەستن بە بڕیاری ئەنجومەنی  كارگێڕی  بانكی ناوندی عێراقی  ژمارە (88) بۆ ساڵی 2023 لە دانیشتنی ژمارە 1636 كە لە 4ی (حوزەیران/6)ی 2023 بەڕێوەچو، بڕیاردرا مۆڵەتی كۆمپانیای ( الجائز)   بۆ نێوەندگیری  كڕین و فرۆشتنی دراوە  بیانیەكان هەڵبوەشێندرێتەوە”.

ئاماژەی بەوەشكردوە، “بڕیاردراوە بە دەستبەسەرداگرتنی گرەنتی نامەكەی (خیتاب زەمان) بۆ بەرژەوەندی بانكی ناوەندی و هەڵوەشاندنەوەی بڕوانامەی دامەزراندنی كۆمپانیای (الجائز) كە پێی دراوە”.

ئەوەشیخستەڕو، پێویستە نوسراوی سڕینەوەی ناوی كۆمپانیاكەمان بەدەستبگات لە تۆمارەكانی وەزارەتی بازرگانی لە بەشی تۆماری كۆمپانیاكان.

بەهای لیرەی توركی شكا و تمەنی ئێرانی بەرزبووەوە
پێشت بەهای لیرەی توركی شكا و تمەنی ئێرانی بەرزبووەوە
پرۆژەیەکی گرنگ لەڕانیە تەواودەکرێت
دواتر پرۆژەیەکی گرنگ لەڕانیە تەواودەکرێت
پەیوەندیدار