پەڕلەمانتارێکی کۆمەڵی دادگەری لە پەڕلەمانی عێراق، دەڵێت؛ لە مادەی ٢١ و مادەی ٤٢ی پرۆژەیاسای بودجەدا چەند پێشنیارێکی خراپ دانراوە، کە بارگرانی بۆ سەر ژیانی هەموو هاووڵاتیان دروست دەكات
سۆران عومەر، ئەندامی ئەنجومەنی نوێنەرانی عیراق، ڕایگەیاند؛ یەكێك لە پێشنیارە خراپەكانی لیژنەی دارایی كە لە مادەی ٢١ و مادەی ٤٢ی پرۆژەیاسای بودجە دانراوەو بارگرانی بۆ سەر ژیانی هەموو هاوڵاتیان دروست دەكات، داواكارم لەپەرلەمانتارانی كوردو عەرەب و شیعەو سوننە دەنگی پێ نەدەن.
ناوبراو ئاماژە بەوە دەدات، کە پێشنیارەکان بەم حۆرەن؛
دانانی باجی فرشتن بەڕێژەی ٪١٠ لەسەر كارتی مۆبایل و ئینتەرنێت.
دانانی باجی ٪٥ لەسەر بەنزین و ٪١٠ لەسەر گاز و ٪١ لەسەر نەوتی رەش بۆ هەر لیترێك.
دانانی باجی ٪١٥ لەسەر بەنزینی هاوردە بۆ هەر لیترێك.
دانانی باجی ٢٥ هەزار دینار لەسەر هەر هاووڵاتیەك كەلەفڕۆكەخانەكانی عێراقەوە گەشت دەكات.
