وەزارەتی تەندروستیی ڕووسیا رایگەیاند؛ بەهۆی ژەهراویبوون بە “مەی ساختە” ٣٠ کەس لە ناوچە جیاکانی ڕووسیا گیانیان لەدەستداوە.
لەراگەیەندراوێکی وەزارەتی تەندروستیی ڕووسیادا هاتووە، بەهۆی خواردنەوەی مەی ساختە کە کهول مەسیل و ئەسیل بیوتریکی لەخۆگرتووە، ٩٦ کەس ژەهراوی بوون کە ژنی دووگیانیشیان لەنێو دایە.
ئەوەش خراوەتەڕوو کە ٣٠ لەو ٩٦ کەسە گیانیان لە دەستداوە و ئەوانەی دیکەیش بەردەوامن لە وەرگرتنی چارەسەری پزیشکی.
