لە ئیدارەی راپەڕین ١٠ کەس لەسەر بەکارهێنانی پارەی ساختە و ماددەی هۆشبەر دەستگیرکران.
بەڕێوەبەرایەتی ئاسایشی راپەرین بڵاویکردووەتەوە، ١٠ کەس دەستگیرکران و دەستگیرا بەسەر بڕی نیو كیلۆ ماددەی هۆشبەر و زیاتر لە یەك ملیۆن و ٢٠٠ هەزار دیناری ساختە لەگەڵ كڵاشینكۆفێك و دوو دەمانچەی بێ مۆڵەت.
دەشڵێت، لەناو گیراوەكاندا بازرگان و بەكارهێنەری ماددەی هۆشبەری تێدایە و دانیشتووی رانیە و حاجیاوا و چوارقوڕنەن و پەڕاوی لێكۆڵینەوەیان بۆ كراوەتەوە.
