وەزارەتی شارەوانی بڕی ٤٥٢ ملیۆن دیناری بۆ دروستکردنی شەقامێکی ٣٠ مەتری و ئاوەڕۆ لە سلێمانی تەرخانکرد.
وەزارەتی شارەوانی و گەشتوگوزاری هەرێمی کوردستان بڵاویکردەوە، گوژمەی ٤٥٢ ملیۆن دینار بۆ دروستکردنی چەند پڕۆژەیەکی خزمەتگوزاری لە سلێمانی تەرخانکراوە.
یەکێک لە خزمەتگوزارییەکان دروستکردنی شەقامێکی ٣٠ مەتریە لەنێوان گەڕەکی کەڵەکن و شەقامی سەرەکی هەواری شار، هاوکات دروستکردنی ئاوەڕۆی باراناو.
ئەم گوژمەیەی بۆ ئەم پڕۆژەیە تەرخانکراوە، لەسەر ڕێژەی ٪١٥ داهاتی شارەوانی سلێمانییە بۆ پلانەکانی ساڵی ٢٠٢٣.
