پورتوگال؛ بەرنامەی چوار رۆژ کارکردن لە هەفتەیەکدا جێبەجێدەکات



حکوومەتی پورتوگال ڕایگەیاند؛ لە ئەمڕۆوە ١٠٠ کۆمپانیای کەرتە جیاوازەکان دەست دەکەن بە کەمکردنەوەی رۆژەکانی کارکردن بۆ چوار رۆژ لە هەفتەیەکدا.

 

وەزیری کار و کاروباری کۆمەڵایەتیی پورتوگال، ئانا مەندەس گۆدینهۆ رایگەیاندووە؛ بەپێی بڕیارنامەی کارلەسەر کراوەلە ٥ی حوزەیرانەوە، لەمەودوا ١٠٠ کۆمپانیای کەرتە جیاوازەکان بەم جۆرە کار دەکەن بەبێ ئەوەی کاریگەری بکاتە سەر مووچەی کارمەند و کرێکاران.

 

بەپێی داتاکانی وەزارەتی کار و کاروباری کۆمەڵایەتیی پورتوگال ١٠٠ کۆمپانیا بەشداری دەکەن لەوەدا کە کاتژمێرەکانی کارکردن لە ٤٠ کاتژمێرەوە کەم دەکرێنەوە بۆ ٣٢ کاتژمێر لە هەفتەیەکدا و بەرنامەکە بە تێکڕایی ٣٥٠ هەزار یۆرۆی پێویستە کە لەلایەن ئەنیستیتوی پەروەردەی پیشەیی و رەخساندنی هەلی کارەوە دابین دەکرێت.

 

حکوومەتی پورتوگال کۆمپانیاکان و کارمەند و کرێکارەکانیان سەرپشک دەکات لە بەشداریکردن لەو بەرنامەیەدا و لە بەرامبەردا هیچ جۆرە ئیمتیازاتێکیان پێ نادات و لە رووی داراییەوە هاوکارییان ناکات.

بچوکترین حاجی ئەمساڵ محمەد یەحیایە
پێشت بچوکترین حاجی ئەمساڵ محمەد یەحیایە
بەرپرسێکی پێشووی پارێزگای نەینەوا  بە ١٥ ساڵ زیندانیکردن سزادرا
دواتر بەرپرسێکی پێشووی پارێزگای نەینەوا  بە ١٥ ساڵ زیندانیکردن سزادرا
پەیوەندیدار