دوو دوكان لەسەر فرۆشتنی جگەرەی ئەلیکترۆنی داخران



بەهۆی فرۆشتنی جگەرەی ئەلیکترۆنی بە خوار تەمەن (18) ساڵ، قائیمقامیەتی سلێمانی هەردوو فرۆشگای ناسر و محەمەد، لە شەقامی کاک ئەحمەدی شێخ دادەخات و خاوەنەکانیشیان ڕووبەڕووی ڕێکاری یاسایی توند دەکاتەوە.

رێکان جەمال، سەرۆکی لیژنە هاوبەشەکانی قائیمقامیەتی سلێمانی ڕایگەیاندووە، پێشتر سەرجەم مارکێت، فرۆشتگا و شوێنانەکانی دیکە ئاگادار کراونەتەوە، کە جگەرەی ئەلیکترۆنی بەخوار تەمەن (18) ساڵ نەفرۆشن، چونکە ڕوبەڕوی داخستن و رێکارە یاساییەکان دەکرێنەوە.

وتیشی، “لەبەرواری ئەمڕۆوە هەر کەس و شوێنێک جگەرەی ئەلیکترۆنی بە خوار تەمەن (18) ساڵ بفرۆشێت لەڕێگەی دادوەری لێکۆڵینەوەی یەکی سلێمانییەوە پەڕاوی لێکۆڵینەوەی بۆ دەکرێتەوە و ڕوبەڕوی دادگا دەکرێتەوە”.

سەرۆکی لیژنە هاوبەشەکانی قائیمقامیەتی سلێمانی ئاماژەی بۆ ئەوەشکرد، هیوادارین سەرجەم مارکێت و فرۆشتگاکان پابەندی مەرج و ڕێنماییەکانی کارکردن بن و جگەرەی ئەلیکترۆنی بە خوار تەمەن (18) ساڵ نەفرۆشن بۆئەوەی لەلایەن لیژنە هاوبەشەکانەوە روبەڕوی رێکارە یاساییە توندەکان نەکرێنەوە.

شاخی ئاسۆسی سەر بەقەزای ماوەت بۆردومانکرا
پێشت شاخی ئاسۆسی سەر بەقەزای ماوەت بۆردومانکرا
كەشێكی فێنك هەرێمی كوردستان دەگرێتەوە
دواتر كەشێكی فێنك هەرێمی كوردستان دەگرێتەوە
پەیوەندیدار