جوتیارانی گوندی تۆپزاوای کەرکوک خێمەیان لەسەر ڕێگای کەرکوک-بەغداد هەڵدا، دژی داگیرکردنی زەوییەکانیان لەلایەن هێزە عێراقیەکانەوە خۆپیشاندانیان ئەنجامدا.
نزیکی هەفتەیەکە، جوتیارانی گوندی تۆپزاوا کورد و تورکمان خۆپیشاندان لەسەر ڕێگای کەرکوک-بەغدا ئەنجامدەدەن.
بەپێی وتەی جوتیارەکان تاپۆی ڕەشی ئەو زەویانە بە ناوی خۆیانەوەیە، بەڵام ئێستا وەزارەتی بەرگری عێراق دەیەوێت ئەو زەویان داگیربکات وبیانکاتە یەکەی سەربازی.
تا ئێستا نوێنەرانی ئەو گوندە و چەند گوندیکی دیکەش بۆ ناڕەزایەتی دەربڕین بەرامبەر بەو داگیرکارییەی هێزە عێراقییەکان، بەڵام هیچ وەڵامێکی ئەرێنی بۆ چارەسەری کێشەکەیان پێنەدراوە، ئەمڕۆش لەسەر شەقامەکە خێمەیان هەڵداوە.
