قوباد تاڵەبانی؛ بەڵێنمان داو ئەمڕۆ جێبەجێمانکرد



جێگری سەرۆکی حکومەتی هەرێمی کوردستان دەڵێت؛ خۆشحاڵم کە چاکسازیمان لە پرۆسەی تۆماری کۆمپانیا لە هەرێمی کوردستان بەسەرکەوتوویی تەواو کرد.

 

قوباد تاڵەبانی، جێگری سەرۆکی حکومەتی هەرێمی کوردستان رایگەیاند؛ سیستمی نوێی ئۆنلاین و گۆڕانکاری لە یاسا و ڕێنمایی و پرۆسەکان؛ هەلێک بۆ بازرگانان و خاون کار دەڕەخسێنن کە لە ماوەی تەنها یەک ڕۆژدا کۆمپانیای خۆیان تۆمار بکەن، بە تێچوویەکی کەم و یەک سەردان.

 

دەشڵێت؛ ئەم پڕۆسەیەمان بەهاوبەشی لەگەڵ بەڕێزان لە نوسینگەی سەرۆک وەزیران و لایەنە پەیوەندیدارەکان جێبەجێکرد و هەنگاوێکی گەورەیە بۆ بەرەوپێشبردنی کەرتی تایبەت، کە یەکێکە لە ئەولەویاتی کارەکانمان لە حکومەت و یارمەتیدەریش دەبێت بۆ ڕەخساندنی هەلی کاری زیاتر.

 

تاڵەبانی دەشڵێت؛ بەڵێنمان دا کە کارئاسانی لە دامەزراندنی کۆمپانیاکان بکەین و ئەمڕۆ جێبەجێمان کرد.

 

ئەمڕۆ یەک شەممە، ٤ – ٦ – ٢٠٢٣، فەرمانگەی میدیا و زانیاری حکومەتی هەرێمی کوردستان بڵاویکردەوە، بە ئامانجی ئاسانکارى و کەمکردنەوەى بارگرانیى دارایی و خێرایی لە ڕاییکردنى کارەکان، پڕۆسەی تۆمارکردنی دامەزراوە بازرگانییەکان بە دیجیتاڵی دەکرێن و لەمەودوا هاووڵاتییان دەتوانن لە ڕێگەى پۆرتاڵێکی ئۆنلاینەوە (business.digital.gov.krd) داواکاری پێشکەش بکەن.

 

لە ڕێگەی ئەم سیستمە نوێیەوە، لە هەر کات و شوێنێک بێت، دەتوانن بە ئاسانی و خێرایی و پارێزراوی، داواکاراییەكانی تایبەت بە تۆمارە بازرگانییەکانیان پێشکەش بکەن، بەمەش “ژمارەى یەکەی بێهاوتا” دەدرێتە هەر کۆمپانیایەکى تۆمارکراو تا بە ئاسانى سوود لە خزمەتگوزارییەکانی دیکەى حکومەت ببینن.

نرخی کارەبای موەلیدە دیاریکرا
پێشت نرخی کارەبای موەلیدە دیاریکرا
عێراق، لە مانگی ئایاردا بە بەھای ٧ ملیار و ٣٠٦ ملیۆن دۆلار، نەوتی فرۆشتووە
دواتر عێراق، لە مانگی ئایاردا بە بەھای ٧ ملیار و ٣٠٦ ملیۆن دۆلار، نەوتی فرۆشتووە
پەیوەندیدار