لە بازگەی چیمەنی پارێزگای کەرکوک ڕیگری لە هەناردەکردنی بەرهەمە کشتوکاڵییەکانی هەرێمی کوردستان بۆ ناوەڕاست و باشوری عێراق دەکرێت.
ڕێگری لە ٢٠٠ بارهەڵگر دەکرێت، کە بەرهەمی میوە و کشتوکاڵی هەرێمی کوردستان دەگوازنەوە بۆ ناوەڕاست و باشوری عێراق، ڕێگا نادریت لە بازگەی چیمەن تێپەڕن.
ئەمە جاری یەکەم نییە کە ئەم ڕێگرییە دەکرێت، لە کاتێکدا پێشتر وەزیری کشتوکاڵ و سەرچاوە ئاوییەکانی هەرێمی کوردستان ڕایگەیاند، پەیوەندییەکی باش لە نێوان هەرێم و بەغدا هەیە، هەرێمی کوردستان دەتوانێت کاڵا و بەرهەمەکانی هەناردەی ناوەڕاست و باشووری عێراق بکات.
