لە ئاکامی شەڕی دووبنەماڵە لە پارێزگای ماردینی باکووری کوردستان لە میانی ئاهەنگێکی هاوسەرگیریدا، ١١ کەس برینداربوون.
لە ئاهەنگێکی هاوسەرگیریدا لە شاری یەشیللی سەربە پارێزگای ماردین، شەڕ لەنێوان دووبنەماڵەدا دروست بوو و بەهۆیەوە ١١ کەس برینداربوون.
ئەو دەمەقاڵەی کە لەنێوان بنەماڵەکانی ئاجو و چاوشئۆغڵودا دروست بوو، دوژمنداری لەنێوانیاندا هەبووە لە ئاهەنگێکی هاوسەرگیریدا کە لە گەڕەکی باخچەباشی بەڕێوەچوو، گۆڕا بۆ شەڕ و پێکدادان.
شەڕەکە کە مێز و کورسی و چەکی تیادا بەکارهێندرا، برینداربوونی ١١ کەسی لێکەوتەوە.
دوای ئاگادارکردنەوەیان، تیمەکانی پۆلیس و تەندروستی رەوانەی شوێنی رووداوەکە کران، پۆلیس کۆتایییان بە شەڕی نێوان دووبنەماڵەکە هێنا.
بریندارەکان دوای فریاگوزاریی سەرەتایی لە شوێنی رووداوەکە، گواسترانەوە بۆ نەخۆشخانەی فێرکاریی ماردین و نەخۆشخانەی گشتیی کزڵتەپە.
دوای ڕووداوەکەش پۆلیس هەڵمەتێکی دەست پێکرد بۆ قۆڵبەستکردنی ئەو کەسانەی لە رووداوەکەدا تێوەگلاون.
