بەهۆی كاریگەری دۆخی ئابووری ئەمریكا و ئەگەری ڕێككەوتنی كۆنگرێس و حكومەت لەسەر ئاستی قەرزەكان نرخی زێڕ بەڕێژەیەكی بەرچاو ڕووی لە دابەزین كردووە و بەراورد بە سەرەتای ئەم مانگە هەر ئۆنسەیەك 50 دۆلار دابەزیوە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی یەك ئۆنسە زێڕ دابەزیوە بۆ 1957 دۆلار و یەك مسقاڵ زێڕی عەیار 24 بە 476 هەزار دینارە و عەیاری 21 بە 420 هەزار دینارە و عەیاری 18 بە 355 هەزار دینارە.
ڕاشیگەیاند، ئۆنسەی زێڕ لەژێر فشارەکانی دابەزین ماوەتەوە ئەمەش دوای نزیکبوونەوەی کۆماری و دیموکراتەکان لە ڕێککەوتن بۆ ئاستی قەرزەكان.
وتیشی، “ئەگەر ڕێککەوتن بکرێت دابەزینەکە ئاسانتر دەبێت و فشارەکە قورس دەکات و ڕەوتی زێڕ بەتەواوی بگۆڕێت بۆ دابەزینی درێژمەودا”.
