سوپای نەرویج لە راگەیەندراوێکدا تیشکی خستووەتە سەر ئەوەی کەشتی فڕۆکەهەڵگری (USS Gerald Ford) کە سەربە هێزە دەریایییەکانی ئەمریکایە لە گەرووی ئۆسلۆ لەنگەری گرتووە.
لەبارەی گەیشتنی فڕۆکەهەڵگرەکەوە لە راگەیەندراوەکەدا هاتووە: “ئەمە دەرفەتێکی بێوێنەیە بەمەبەستی لە نزیکترەوە کارکردن و پێشخستنی هەماهەنگییەکان لەگەڵ ئەمریکا کە گرنگترین هاوپەیمانمانە”.
سوپای نەرویج هۆشداری داوە بەتەواوی کەشتییەکانی ناوچەکە کە ٥٠٠ مەتر لە فڕۆکەهەڵگرەکە دوور بن و ئەو ناوچەیەی فڕۆکەهەڵگرەکەی لێیە -کە بە کاردانەوەی ئەتۆمی کار دەکات- وەک “ناوچەی دژەفڕین” راگەیاند.
کەشتی فڕۆکەهەڵگری (USS Gerald Ford) کە گەورەترین فڕۆکەهەڵگرە لە جیهان ماوەی یەک هەفتە لە ئۆسلۆ دەمێنێتەوە و دواتر بەشداری لە مانۆڕی هاوبەشی نێوان ئەمریکا و نەرویجدا دەکات.
لای خۆیەوە باڵیۆزخانەی rووسیا لە ئۆسلۆ ئاماژەی بەوە دا کە ئەم جۆرە نمایشە “نالۆجیکی و زیانبەخشە”.
