پەرلەمانتارێكی كورد لە پەرلەمانی عێراق جۆرێكی نهێنییەك لەسەر فرۆشتنی پاتری ئۆتۆمبێل بە هاووڵاتیان ئاشكرادەكات و ڕایدەگەیەنێت، پاتری سەیارە هەیە لەبازاڕدا دەفرۆشرێ بە ٦٠ ئەمپێر لەراستیدا ٩ ئەمپێرە و دەشڵێت: “2 بۆ 3 كیلۆ كێشیان كەمترە”.
سۆران عومەر، ئەندامی پەرلەمانی عێراق لە ڕاگەیەنراوێكدا ئاماژەی بەوەكردووە، پاتری سەیارە هەیە لەبازاڕدا دەفرۆشرێ بە ٦٠ ئەمپێر لەڕاستیدا ٩ ئەمپێرە.
وتیشی، “لەڕێی کۆنترۆڵی جۆری عێراقەوە بەدواداچوونم کردوە بۆ پاتری سەیارە، کە هاوردەی عێراق و هەرێم دەکرێ، پێویستە لایەنی پەیوەندیدار ڕێگە بەم کاڵا کۆپی و خراپانە نەدات.
ڕاشیگەیاند، “پاش بەدواداچون و ئەنجامدانی پشکنین بۆ ئەو پاتریانەی ئۆتۆمبێل، کەلەبازاڕەکانی ھەرێمی کوردستان و عێراق دا ھاوردە دەکرێت، (٩) جۆری جیاوازی پاتری، کەلەبازاڕەکاندا بوونی ھەیە لە پێشکەوتوترین تاقیگە لە ١٤/٣/٢٠٢٣ پشکنینمان بۆ ئەنجامدان، کە ئەم جۆرە پاتریانە بوون: (GLOBAL.AL ,POWER, DOURNA, MOBIS, SABA BATTERY, ٤UTOLITE SANFOX, DODGE, MEGA TEK) وردەکاری پشکنینی ھەر پاتریەکیان دەرچوو تەنھا سێ جۆریان بەرواری دەرچوونی لەسەرە”.
ئاشكراشی كرد، ھەموو پاتریەکان ٢ تاکو ٣ کیلۆگرام کێشیان کەمترە لەکێشی ستاندارد و لەزگەی سەر پاتریەکان لەھەموویان نووسراوە ٦٠ ئەمپێر، پاش پشکنین دەرکەوت تەنھا یەکێکیان بەرزترن ئەمپێریەکەی دەگاتە ٣٦ ئەمپێر و کەمترینیان دەگاتە ٩ ئەمپێر لەکاتێکدا ئەم پاتریانە بەھاووڵاتیان دەفرۆشرێت بە نرخی ٦٠ ئەمپێری.
