تەقە لە پەرلەمانتارێکی یەکێتی کرا و پاسەوانێکی برینداربوو

كاروان گه‌زنه‌یى، په‌رله‌مانتارى یه‌كێتى له‌په‌رله‌مانى كوردستان له‌هه‌وڵێكى تیرۆركردن ڕزگارى بوو.

سه‌رچاوه‌یه‌كى نزیك له‌كاروان گه‌زنه‌یى په‌رله‌مانتارى یه‌كێتى له‌په‌رله‌مانى كوردستان رایگەیاندووە:” له‌نزیك قه‌زاى كۆیه‌، ته‌قه‌ له‌كاروان گه‌زنه‌یی كراو پاسه‌وانێكى بریندار بووه‌”.

ئەو سەرچاوەیە ئاماژەی بەوەشکردووەم هه‌وڵه‌كه‌ تیرۆرستیهیە و ڕاسته‌وخۆ بۆ تیرۆركردنى ئه‌و په‌رله‌مانتاره‌ى یه‌كێتى بوه‌، به‌ڵام خۆی سەلامەتە و تەنها پاسەوانێکی بریندارە و رەوانەی نەخۆشخانە کراوە بۆ وەرگرتنی چارەسەر.

بە وتەی سەرچاوەکە ئێستا هێزه‌ ئه‌منیه‌كان له‌ئێستادا له‌شوێنى ڕوداوه‌كه‌ن‌و لێكۆڵینه‌وه‌ى ورد له‌وباره‌یه‌وه‌ ده‌ستى پێكردوه‌.