ڕۆژی هەینی ١٢ – ٥ – ٢٠٢٣ ئیسرائیل بڕیاریدا دانوستانەکانی ئاگربەست لەگەڵ فەلەستینییەکان لە کەرتی غەززە بە نێوەندگیری میسر ڕابگرێت، هاوکات هێرشەکانی ئیسرائیل و هێرشە مووشەکییەکانی سەر ئیسرائیل لە غەززەوە بەردەوامن.
میدیا ئیسرائیلییەکان لە زاری “بەرپرسێکی باڵا”وە پشتڕاستیان کردەوە کە ” ئیسرائیل کاردانەوەی گەورەی دەبێت” دوای ئەوەی دوو موشەک ئاراستەی قودس کران، ئەمەش وەک ئاماژەیەک بۆ پەرەسەندنی ڕووداوەکانی نێوان ئیسرائیل و هێزە فەلەستینییەکان لە کەرتی غەززە.
هاوکات بەهۆی بەردەوامی هێرشە مووشەکییەکان لە کەرتی غەززەوە، ئیسرائیل بڕیاریدا دانوستانەکانی ئاگربەست لەگەڵ فەلەستینییەکان لە کەرتی غەززە بە نێوەندگیری میسر ڕابگرێت و خۆی بۆ بەرپەرچدانەوەی توند ئامادە دەکات.
