لە سەردانێکی فەرمیدا سەرۆکی کۆماری ئیسلامی ئێران سەردانی سووریا دەکات و لەگەڵ بەشار ئەسەد سەرۆکی ئەو وڵاتە کۆدەبێتەوە.
میدیاکانی ئێران بڵاویانکردووەتەوە، سەردانەکەی سەرۆککۆماری ئێران دوو رۆژ دەخایەنێت و شاندێکی باڵای سیاسی و ئابووریش یاوەری دەکەن .
لەلایەکی دیکەو بەپێی هەواڵی ئاژانسی سانا، ئیبراهیم رەئیسی سەرۆکی ئێران، چاوی بە هاوتا سوورییەکەی دەکەوێت، جیا لە تاوتوێی بارودۆخی ناوچەکە، پەیوەندییە دوو قۆڵیەکانی نێوان هەردوو وڵات لەسەر ئاستی سیاسی و ئابوریی گفتوگۆیان لەبارەوە دەکرێت.
سەردانەکەی ڕەئیسی، لەسەر بانگهێشتی بەشار ئەسەد بووە و ئامانجی سەرەکی سەردانەکە لایەنی ئابوورییە.
